Një ngjarje e rëndë është regjistruar mbrëmjen e sotme në zonën e Krastës, ku rreth orës 19:00 banorët kanë lajmëruar policinë pas zbulimit të trupit të pajetë të një gruaje në ujërat e lumit Shkumbin.
Menjëherë pas njoftimit, forcat e rendit dhe grupi zjarrfikës kanë mbërritur në vendngjarje, ndërsa në operacionin e kërkim-shpëtimit janë përfshirë 10 efektivë policie dhe 7 zjarrfikës. Për shkak të errësirës, ndërhyrja ka qenë e vështirë, por trupi është nxjerrë nga lumi pas disa minutash kërkimesh.
Viktima është një grua rreth 40 vjeçe, ende e paidentifikuar. Burime nga grupi hetimor bëjnë me dije se dyshohet se ajo vuante nga probleme të shëndetit mendor.
Policia po vijon punën për identifikimin e viktimës dhe sqarimin e plotë të rrethanave të kësaj ngjarjeje tragjike.