Kryetari i Partisë Demokratike, Sali Berisha thotë se do ti përgjigjet thirrjes së drejtësisë sa herë që ta kërkojnë. Por i pyetur nëse do të paraqitet nesër për dosjen e 21 janarit, kreu i PD tha: “Por ka vetëm një kusht, që unë të marr thirrjen.
Ata që përdorin këtë për propagandë për të mbuluar skandalin Rama-Balluku të tunelit të Llogarasë apo skandalin e aeroportit të Vlorës ata tregojnë se janë shërbëtorë mjeranë të një bandë që vjedh ditë e natë qytetarët shqiptarë”.
A do të paraqiteni nesër në SPAK për dosjen e 21 janarit?
Berisha: Mund t’u pohoj atë që kam thënë, i jam përgjigjur çdo thirrje të organeve të drejtësisë. Do t’i përgjigjemi. Nuk ka koment. Nuk mund të ketë pyetje ‘a do i përgjigjem?’ Por ka vetëm një kusht, që unë të marr thirrjen. Ata që përdorin këtë për propagandë për të mbuluar skandalin Rama-Balluku të tunelit të Llogarasë apo skandalin e aeroportit të Vlorës ata tregojnë se janë shërbëtorë mjeranë të një bandë që vjedh ditë e natë qytetarët shqiptarë.
Njoftimi duhet të vijë siç ka ardhur me dhjetëra njoftime të tjera. Kurse përdorimi i kësaj është akt i shëmtuar i Altin Tropolinit, shërbëtor, mercenar i regjimit të Ramës që kujton se mund të mbulojë me zhurma të tilla krime të Ramës dhe Ballukut. Asnjëherë mos më pyesni a do shkosh, unë do shkoj në cdo rast që të thirrem për cdo problem që të thirrem nga organet e drejtësisë./Radar.al