Kryeministri Edi Rama ka njoftuar një nismë të pazakontë teknologjike për Partinë Socialiste: përdorimin e inteligjencës artificiale si asistentë personalë për deputetët në Kuvend.
Nga Berlini, ku po merr pjesë në Global Dialogue (BGD), Rama tha se ministrja e Shtetit për Inteligjencën Artificiale, Diella Spahiu, “pret 83 fëmijë” — referencë metaforike për sistemet digjitale që do t’u shërbejnë deputetëve socialistë.
“Diella është shtatzënë dhe pret 83 fëmijë, një për çdo deputet të PS-së. Ata do të marrin pjesë në seanca, do të mbajnë shënim gjithçka që ndodh dhe do t’i informojnë e këshillojnë deputetët për reagimet e tyre”, – u shpreh Rama.
Sipas tij, këta “asistentë digjitalë” do të posedojnë njohuritë e Diellës për legjislacionin e Bashkimit Evropian, duke i ndihmuar deputetët të përgatiten më mirë për debatet dhe vendimmarrjet.
“Nëse shkon për kafe dhe harron të kthehesh, asistenti do të të tregojë çfarë është thënë, kush ka përmendur emrin tënd dhe nëse duhet të kundërsulmosh”, shtoi me humor kryeministri.