Senatorët francezë kanë shprehur shqetësimin për sigurinë e kufizuar dhe të vjetëruar të Luvrit, pas vjedhjes spektakolare që tronditi muzeun. Një nga pikat kryesore të debatit ishte vetëm një kamerë e vendosur në murin e jashtëm, që fokusohej në drejtimin e gabuar, duke mos regjistruar mbërritjen e bandës dhe shkallës së tyre mekanike te Galeria e Apollonit.
Drejtoresha e Luvrit, Laurence des Cars, pranoi dobësitë e sigurisë gjatë seancës dëgjimore:
“Ekziston një dobësi në Luvër dhe unë e pranoj plotësisht. Ne kemi një dobësi në mbulimin tonë perimetrik.”
Sipas saj, para se të merrte postin në vitin 2021, nuk ishte marrë vendim për të instaluar kamera të jashtme. Ekspertët dhe senatorët theksuan se, edhe pse rojet e muzeut nuk janë të armatosur, një kamerë e vendosur në pozicion të duhur mund të kishte kapur bandën në momentin e mbërritjes, duke lejuar ndërhyrjen e policisë në kohë dhe ndoshta parandalimin e vjedhjes.
BBC shkruan se mungesa e kamerave efektive dhe të vendosura strategjikisht është konsideruar një nga arsyet kryesore pse grabitja u realizua me sukses.