Një ngjarje e rëndë është regjistruar sot në aksin rrugor Levan–Vlorë, ku një 36-vjeçar ka humbur jetën brenda automjetit me të cilin po udhëtonte.
Sipas policisë, ngjarja ka ndodhur në afërsi të fshatit Bishan, ku drejtuesi i mjetit kishte ndaluar në xhepin anësor të autostradës. Pavarësisht ndërhyrjes së shpejtë të kalimtarëve dhe shërbimeve mjekësore, ai është gjetur pa shenja jete.
Viktima, banues në Berat, mësohet se vuante nga sëmundja e epilepsisë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes tragjike.