Procesi zgjedhor në Kosovë po vijon me pjesëmarrje në rritje. Sipas të dhënave më të fundit të Komisionit Qendror të Zgjedhjeve (KQZ), deri në orën 13:00 kanë votuar 16.11% e qytetarëve me të drejtë vote, që përkthehet në 326,240 votues nga gjithsej 2,025,105 të regjistruar në listat zgjedhore.
Zgjedhjet lokale po mbahen në të 38 komunat e Kosovës, ndërsa vëmendje e veçantë i kushtohet komunave ku tradicionalisht dominon e njëjta forcë politike. Që nga zgjedhjet e para pas shpalljes së pavarësisë, vetëm në gjashtë komuna nuk është ndërruar partia fituese:
• Në Deçan ka fituar vazhdimisht AAK,
• Në Drenas dhe Kaçanik, PDK,
• Në Istog dhe Fushë Kosovë, LDK,
• Ndërsa në Mamushë, Partia Demokratike Turke e Kosovës.
Procesi i votimit pritet të zgjasë deri në orën 19:00, ndërsa KQZ do të publikojë përditësime të tjera mbi pjesëmarrjen dhe mbarëvajtjen e zgjedhjeve gjatë ditës.