Pas lajmit të trishtë për ndarjen nga jeta të vëllait të Gjestit, rrjetet sociale janë mbushur me mesazhe dhimbjeje dhe ngushëllime për familjen Kelmendi. Figura publike, miq e kolegë të artistit kanë lënë mënjanë çdo gjë për të shprehur solidaritetin në këtë moment të errët.
Arbër Hajdari shkroi:
“Ngushëllime të sinqerta Gjest dhe gjithë familjes Kelmendi. Nuk ka fjalë që mund ta lehtësojnë këtë dhimbje të madhe. Zoti ju dhëntë forcë dhe durim për ta përballuar këtë humbje kaq të rëndë. U prehtë në paqe.”
Butrint Imeri u shpreh:
“I shpreh ngushëllimet e mia të përzemërta familjes Kelmendi dhe kolegut tonë Gjestit për këtë humbje kaq tragjike. Zoti i dhashtë forcë e durim gjithë familjes!”
Dafina Zeqiri reagoi me fjalë prekëse:
“S’ka fjalë që e lehtësojnë një dhimbje të tillë. Mendimet dhe lutjet e mia janë me ty Gjesti dhe familjen tënde. Zoti ju dhashtë forcë. Pusho në paqe E.K.”
Një reagim i veçantë erdhi nga Joz Marku, ish-banori i BBVA, i cili dikur ishte në konflikt me Gjestin:
“Lajmi i trishtë për humbjen e një jete kaq të re, na i prek zemrat të gjithëve. Ngushëllimet e mia më të sinqerta për familjen. Qoftë lule e Xhenetit!”
Edhe Tuna vendosi të shtyjë publikimin e projektit të saj muzikor:
“Për shkak të ndjeshmërisë së rastit, kënga nuk do të publikohet sot. Ngushëllime familjarëve dhe kolegut Gjestit. Projekti do të publikohet nesër në ora 18:00.”
Olti Curri u prek thellë nga tragjedia:
“Nuk do të jetë asgjë si më parë… vetëm mendja do rrijë në një pikë, tek vëllai që s’do të kthehet më. @gjestt Zoti të dhashtë forcë që ta përballosh këtë humbje të madhe.”
Reagimet e shumta tregojnë përkrahjen e madhe që Gjesti dhe familja e tij po marrin në këtë kohë dhimbjeje, ndërsa rrjetet sociale janë shndërruar në një hapësirë ngushëllimesh dhe mbështetjeje.