Agjencia e Mbikëqyrjes Policore (AMP) referoi sot materialet në Prokurorinë e Elbasanit ndaj M.A., punonjës i Gardës së Republikës, i dyshuar për “kanosje për shkak të detyrës”.
Hetimet nisën pas kallëzimit të Shefit të Sektorit të Trafikut Urban dhe Interurban në DVP Elbasan, B.L., i cili pretendoi se ishte kanosur nga punonjësi i Gardës për motive të dobëta gjatë ushtrimit të detyrës së tij.
AMP konstatoi elementë të veprës penale dhe çështja i kaloi prokurorisë për hetime të mëtejshme, me qëllim garantimin e ligjshmërisë dhe integritetit të strukturave të sigurisë.