Një postim i Elon Musk ka ndezur debatin në Greqi, pasi miliarderi komentoi mbi krizën e thellë demografike që po mbyll qindra shkolla në vendin fqinj.
Musk ribotoi një publikim të Visegrad24, bazuar në artikullin e Financial Times, ku theksohet se gjatë vitit shkollor 2025–2026 do të mbyllen 721 shkolla për shkak se nuk arrijnë pragun minimal prej 15 nxënësish.
Me vetëm 1.3 lindje për grua, një nga normat më të ulëta në BE, Greqia po përballet me plakje të shpejtë të popullsisë dhe largim masiv të të rinjve. Musk e quajti këtë fenomen një “tragjedi kombëtare”, duke i vënë titull postimit: “Vdekja e Greqisë”.
Ky reagim ka shtuar presionin mbi Athinën për të ndërmarrë masa urgjente kundër krizës demografike që rrezikon të ardhmen e vendit.