Një investigim për lojërat e fatit në Berat ka nxjerrë zbuluar shkelje të ish-drejtorit të Shërbimit Informativ Shqiptar (SHISH), Aleksandër Shulla, i cili mbante jashtë detyrës të dhëna të klasifikuara të shtetit.
Në një USB të gjetur gjatë një kontrolli rutinë u konstatua se Shulla kishte kopjuar materiale sekret shtetëror, duke përfshirë të dhëna mbi automjetet dhe sistemin e gjendjes civile të vitit 2008, si dhe regjistra të policisë kriminale dhe të departamentit të hetimit kundër krimeve të rënda. Sipas ligjit, këto dokumente nuk mund të ruheshin apo shumëfishoheshin jashtë SHISH.
Në çështje është përfshirë edhe djali i ish-drejtorit, Pandeli Shulla, i akuzuar për organizimin e lojërave të fatit online, pas sekuestrimit të gjashtë kompjuterëve në vitin 2023.
Prokuroria dokumenton edhe biseda telefonike mes të rinjve të përfshirë në aktivitetet e lojërave të fatit, ku njëri prej tyre thotë: “Duhet pak korrupsion në familje”, duke ilustruar atmosferën e keqpërdorimeve që po hetohen.
Çështja tashmë është dorëzuar në gjykatë, ndërsa hetimet për shkeljet e informacionit të klasifikuar vazhdojnë.