Richard Grenell, ish-i dërguari i posaçëm i presidentit amerikan Donald Trump për dialogun Kosovë-Serbi, po kalon pushimet verore në brigjet shqiptare.
Në një video të publikuar në Instagram, Grenell shihet duke lundruar me anije në ujërat e kristalta të Ksamilit, ndërsa përshkrimi i videos “Shqipëria me Amerikanë” lë të kuptohet se ndodhet në vendin tonë në shoqërinë e miqve nga Shtetet e Bashkuara.
I njohur për përfshirjen aktive në çështjet e Ballkanit gjatë kohës së administratës Trump, Grenell vijon të mbetet një figurë që ndjek zhvillimet në rajon, edhe pas përfundimit të mandatit diplomatik.
Vizita e tij në jugun turistik të Shqipërisë ngjall interes, jo vetëm për shkak të profilit të lartë politik, por edhe për ndikimin e vazhdueshëm që mban në qarqet republikane amerikane dhe ndaj Ballkanit Perëndimor.