Vdekjet e lidhura me nxehtësinë në rajon janë rritur me rreth 30 % gjatë dy dekadave të fundit.
Evropa është kontinenti me ngrohjen më të shpejtë në Tokë dhe të dhënat e vdekjeve po tregojnë ndikimin negativ. Mësohet se vapa ekstreme vret më shumë se 175,000 njerëz në vit në Evropë, ka deklaruar sot Organizata Botërore e Shëndetësisë (OBSH).
Nbdërsa në nivel global, ka pasur rreth 489,000 vdekje të lidhura me nxehtësinë çdo vit midis viteve 2000 dhe 2019, me njerëzit që paguajnë “çmimin përfundimtar” për mosveprimin e klimës.
“Temperaturat ekstreme përkeqësojnë sëmundjet kronike, veçanërisht sëmundjet kardiovaskulare, respiratore dhe cerebrovaskulare, shëndetin mendor dhe çrregullimet e lidhura me diabetin”, shpjegon OBSH, raportojnë mediat e huaja.
Sipas OBSH-së, numri i viktimave të të nxehtit do të “shpërthejë” në vitet e ardhshme për shkak të ngrohjes globale.
Këshillat nga OKB-ja:
Sipas organizatës së OKB-së, është e mundur të përballemi me të nxehtin duke adoptuar sjellje të thjeshta: të qëndrojmë në një vend të mbrojtur nga temperaturat e larta, të mbajmë shtëpinë tonë të freskët dhe të hidratohemi rregullisht.