Prokuroria e Tiranës përfundoi hetimet dhe dërgoi për gjykim ‘Klubin e Futbollit Tirana’ dhe administratorin e tij, Refik Halilin.
Halili u akuzua se nuk deklaroi listëpagesat e sigurimeve shoqërore dhe shëndetësore për 26 lojtarë në sezonin 2015-2016.
Refik Halili është marrë në pyetje më datë 24 maj të 2024 për të zbuluar të dhënat e zhvillimeve që po hetoheshin.Administratori u pyet konkretisht në lidhje me shumën 22 milionë lekë që nuk janë deklaruar në organin tatimor,gjatë asaj periudhe kohore.
“Klubi i Tiranës është privatizuar në shtator 2011, duke e kthyer në shoqëri aksionere me kapital 100% dhe ka vazhduar të jetë e tillë deri në Maj 2015”, tha administratori.
Halili deklaron se ka qenë administrator i klubit që në Maj 2015 me 66% të aksioneve dhe sipas tij në momentin e privatëzimit, në këtë muaj nuk bënin dorëzimin e dokumenteve, kryesisht financiare. Ai u shpreh se kur i ka marrë dokumentet ka mësuar se në zyrën e tatimeve nuk është paguar asnjë taksë.
Taksat së bashku me energjinë elektrike, ujësjellësi, pagat e futbollistëve apo gjyqet e humbura, thotë ai, arrinin një vlerë prej 4.2 milion euro dhe se disponon vendimet e gjykatës si dhe shkresat e përmbaruesve të cilën kur është emëruar administrator në vitin 2015 kanë qenë të bllokuara.
Ndërsa, për fshehjen e të ardhurave të tatim fitimit 22 milionë lekë në periudhën 2013-2016 ai ka deklaruar se kubin e futbollit “e ka marrë në administrim në Maj 2015, dhe për vitet e mëparshme mbajnë përgjegjësi personat që kanë qenë më parë”.
Për akuzat se 26 futbollistë nuk janë deklaruar në organin tatimor, ku për periudhën 2014-2016 vlera totalle rezulton 29 milionë lekë, Halili ka dëshmuar se do të vendosë në dispozicion në një moment të dytë të gjithë listëpagesat e futbollistëve dhe të punonjësve.
Por Halili nënvizon se në kohën që e ka patur klubin në administrim sigurimet shoqërore të futbollistëve janë bërë të gjitha.