Një vatër zjarri është përhapur me shpejtësi në një zonë kodrinore në fshatin Cërrave të Pogradecit, duke rrezikuar një sipërfaqe të gjerë me bimësi të ulët. Era e fortë po ndihmon në përhapjen masive të flakëve, duke e bërë situatën më të vështirë për tu menaxhuar.
Në vendngjarje ndodhen forcat zjarrfikëse, shërbimi pyjor dhe policia, të cilët po punojnë për të lokalizuar zjarrin dhe për të shmangur përhapjen e mëtejshme në zonat përreth.