Kryeministri në detyrë i Kosovës, Albin Kurti, së bashku me zëvendëskryeministret Donika Gërvalla dhe Emilija Rexhepi, morën pjesë në ceremoninë përkujtimore të 30-vjetorit të gjenocidit në Srebrenicë, zhvilluar në Qendrën Memoriale në Potoçari.
Duke nderuar 8,372 viktimat e masakrës së vitit 1995, Kurti lëshoi një mesazh të fortë politik nga zemra e dhimbjes boshnjake: “Nuk harrojmë dhe nuk falim.”
Delegacioni nga Kosova vendosi lule pranë varrezave dhe vizitoi ekspozitën “Me hapat e atyre që nuk kaluan”, e cila përmes objekteve personale risjell rrëfime prekëse të viktimave dhe të mbijetuarve të gjenocidit.