FIER– Një ngjarje e rëndë ka tronditur opinionin publik ditën e sotme, ku një e mitur 12-vjeçare ka denoncuar vet në polici të atin e saj pasi është abuzuar seksualisht nga ai.
Lidhur me këtë ngjarje ka reaguar edhe nëna e vajzës ku përmes një lidhje direkte me emisionin “Me Zemër të Hapur” ka rrëfyer më shumë detaje.
Tronditëse ishte ngjarja e bërë publike vetëm pak më parë, ku një 36-vjeçar është arrestuar nga policia, pasi dyshohet se ka abuzuar seksualisht me të bijën e tij vetëm 12-vjeçe.
30-vjeçarja nënë e shtatë fëmijëve, në këtë situatë të rëndë ka mbetur mes 4 rrugëve në një banesë në ruajtje, ajo nuk ka asnjë të ardhur financiare.
E mbytur në lot apelon për dënim të ashpër për bashkëshortin dhe për ndihmë nga institucionet.
“Dua një komunikim me vajzën, ma kanë çuar në Tiranë për një muaj, dua ta shoh ta takoj. Më ka rënë dhe një hall i madh sepse burrin mbante familjen. Shtëpiaku banojmë nuk është e jona. Kërkoj ndihmë nga shteti për strehim, sepse unë nuk punoj dot sepse kam fëmijët, nuk kam asnjë të ardhur, jam të mbytem në lumë, jam mes katër rrugëve. Do bëhem e fortë për fëmijët e mij, por kërkoj ndihmën e shtetit dhe çdo shqiptari që ka dëshirë të ushqej fëmijët.”- tha ajo./Radar.al