Flamur Gega, 29 vjeç, është arrestuar në Londër pasi ishte shpallur në kërkim ndërkombëtar nga Interpol Tirana. Ai akuzohet se ka kërcënuar një vajzë me publikimin e fotove dhe videove intime, në një rast të denoncuar më 20 dhjetor 2020.
Sipas dokumenteve gjyqësore të siguruara nga Top Channel, Gega u shfaq këtë të enjte përpara Gjykatës së Ekstradimeve në Westminster, ku iu komunikua akuza e ngritur nga autoritetet shqiptare për shantazh dhe intimidim.
Deri në seancën e radhës për ekstradimin e planifikuar më 3 korrik 2025, ai do të mbahet në burgun HMP Wandsworth.