SHBA– Pete Hegseth, sekretari amerikan i Mbrojtjes ka ngatërruar Teheranin me Tiranën. Gjatë një konference për shtyp, teksa po fliste për sulmin e Shteteve të Bashkuara të Amerikës ndaj tre bazave bërthamore të Iranit, Hegseth bën një lapsus teksa thotë se avionët bombardues ndërhynë në Tiranë në vend që të thoshte në kryeqytetin iranian.
“Ky është një plan që kërkoi muaj e javë pozicionimi dhe përgatitjesh në mënyrë që të ishim gati kur të na telefononte presidenti i SHBA-së. Kërkoi shumë saktësi. Përfshiu orientim dhe sigurinë më të lartë operacionale. B-2 hynë dhe goditën në Tiranë…më falni Teheran.”-tha ai.
Amerika kreu sulmin masiv ajror mbrëmjen e së shtunëstë koordinuar ndaj tre impianteve bërthamore iraniane: Fordoë, Natanz dhe Esfahan. Uashingtoni deklaroi se shkatërroi ambiciet bërthamore të Teheranit, ndërsa Donald Trump paralajmëroi sulme më të ashpra nëse nuk ka paqe. Nga ana tjetër, Irani u zotua se do të hakmerret./Radar.al