TIRANË– Kryeministri Edi Rama ka folur edhe për Arben Ahmetaj gjatë fjalës së tij në Kongresin e PS. Jo se në PS nuk ka njerëz që tjetër të thonë në sy e tjetër të bëjnë pas kurrizit ka thënë Rama, por as këtë nuk e them dot.
“Jo se PS është një shtëpi pa probleme nuk e them dot. Kemi plot probleme edhe ne. Jo se në PS nuk ka njerëz që tjetër të thonë në sy e tjetër të bëjnë pas kurrizit, as këtë nuk e them dot. I kam njohur dhe vetë të tillë të paudhë madje aq të paudhë saqë cilido do të habitej se çfarë më thoshin në sy dhe çfarë bënin pas shpine. Dhe kur kanë arritur të më ngjiten edhe mua këtu kur sidoqoftë është lart, merreni me mend se sa nga këta ka më poshtë. Deri aty ku këta njerëz të cilëve po u drejtohem duhet të nisin rrugën.”– ka deklaruar Rama.