TIRANË– Teksa na ndan vetëm një ditë nga ndeshja mes Shqipërisë dhe Serbisë, ndërs sot pritet të mbërrijë në Tiranë dhe akomodohet në hotel ekipi serb, policia ka publikuar një plan masash.
Drejtoria e Përgjithshme e Policisë së Shtetit, me qëllim garantimin e rendit dhe sigurisë për ndeshjen e futbollit Shqipëri–Serbi, janë parashikuar kufizime të përkohshme në qarkullimin rrugor në disa akse kryesore të kryeqytetit.
Bazuar në njoftimin zyrtar të policisë, rruga nga hoteli ku është akomoduar ekipi i Serbisë (në bulevardin “Gjergj Fishta)” deri në stadiumin “Arena Kombëtare”, përmes bulevardit “Bajram Curri”, do të ketë kufizime të pjesshme në këto orare:
Pasditen e sotme, në orën 16:30, gjatë eskortimit të ekipit për në stërvitje;
Ditën e nesërme, në orën 18:45, për zhvillimin e ndeshjes.
Kufizimet do të jenë të përkohshme, me një kohëzgjatje deri në 25 minuta, vetëm në momentin e lëvizjes së eskortës së ekipit. Policia e Shtetit siguron qytetarët se është angazhuar maksimalisht për mbarëvajtjen e aktivitetit dhe shmangien e çdo incidenti. Apelohet për mirëkuptim dhe bashkëpunim nga qytetarët, si dhe për respektim të udhëzimeve të forcave të rendit në terren. Çdo sjellje që cenon rendin dhe sigurinë publike do të trajtohet me tolerancë zero dhe në përputhje me ligjin.
POLICIA E SHTETIT:
Në vijim të njoftimit të dhënë për planin e masave të hartuar nga Drejtoria e Përgjithshme e Policisë së Shtetit, me qëllim garantimin e rendit dhe sigurisë gjatë zhvillimit të ndeshjes së futbollit “Shqipëri–Serbi”, ju informojmë se:
Rruga nga hoteli ku është akomoduar ekipi i futbollit të Serbisë që ndodhet në bulevardin “Gjergj Fishta”, deri në drejtim të stadiumit “Arena Kombëtare”, përmes bulevardit “Bajram Curri”, pasditen e sotme në orën 16:30 dhe ditën e nesërme në orën 18:45, do ketë kufizime të pjesëshme deri ne 25 minuta në momentin që do eskortohet ekipi për në stadium për stërvitje mbasditen e sotme dhe nesër për të zhvilluar ndeshjen.
Policia e Shtetit është angazhuar maksimalisht që i gjithë aktiviteti të përfundojë me sukses porsa i përket masave të sigurisë, dhe në këtë kuadër me qëllim shmangien e incidenteve, apelojmë për mirëkuptim nga ana e qytetarëve, si dhe respektim të udhëzimeve të strukturave të policisë në terren.
Çdo sjellje apo veprim që cenon rendin dhe sigurinë publike do të trajtohet në përputhje me ligjin dhe me tolerancë zero./Radar.al
Rama ndan pamjet nga “Defender 25”: Një nga stërvitjet më të mëdha e komplekse në Europë
Ardit Gjebrea feston 62-vjetorin/ Zbulon me kë do prezantojë Këngën Magjike në 25-vjetorin e saj