BRUKSEL-Kryedemokrati Sali Berisha ditë e sotme nga Brukseli ka hedhur akuza të forta ndaj kryeministrit Edi Rama dhe ministrit të Jashtëm Igli Hasani, duke deklaruar se ata po përpiqen të ndikojnë në përmbajtjen e raportit të OSBE/ODIHR mbi zgjedhjet e 11 majit.
Në një prononcim për mediat, Berisha deklaroi se PD-ja, Partia Demokratike do të zhvillojë një betejë shumëplanëshe kundër ‘farsës elektorale’ dhe paralajmëroi edhe protesta. Ai shtoi se shqiptarët brenda dhe jashtë vendit janë të vendosur të rrëzojnë regjimin e Tiranës.
“Edi Rama dhe ministri i Jashtëm kanë ndërhyrë te OSBE ODIHR për të ndryshuar raportin për zgjedhjet. Do të angazhohemi me të gjitha mënyrat, deri edhe protesta, Edi Ramës do i ngecë në fyt farsa elektorale. PD do zhvillojë betejë shumëplanëshe. Çështjen për Shqipërinë, që të jetë vend i njerëzve të lirë, e zgjidhin shqiptarët, forcat ndërkombëtare e damkosin Edi Ramën, shqiptarët e rrëzojnë. Shqiptarët jashtë vendit kanë revoltë ndaj regjimit të Tiranës.”-tha Berisha./Radar.al
U dëmtua gjatë punës në uzinën e ferrokromit, 51-vjeçari në gjendje të rëndë tek trauma