TIRANË– Dy krerët e partive më të mëdha në vend teksa kanë zhvilluar për një muaj takime qytet më qytet, duke prezantuar platformat dhe programet e tyre, këtë të premte do të mbyllin fushatën elektorale.
Partia Socialiste dhe Partia Demokratike do të mbajnë takimet përmbyllëse sot respektivisht në orën 19:30 dhe 19:00.
Por ndryshe nga fushatat e mëparshme, takimet përmbyllëse nuk do të mbahen në sheshet kryesore, “Skënderbej” apo “Nënë Tereza”.Partia në pushtet e kryeministrit Edi Rama do të zhvillojë takimin përmbyllës tek fusha e Parkut Olimpik. Ndërsa Partia Demokratike do të zbresë në zonën e Bulevardit të ri.
“Me falënderimin për mikpritjen e Vlorës dhe Durrësit, ju ftoj të shihemi sot në Tiranë, ora 19:30.”- shkruan Kryesocialisti Edi Rama në Facebook.
Kryetari i Partisë Demokratike, Sali Berisha me anë të një postimi në rrjetet sociale u bën thirrje qytetarëve që ti bashkohen mitingut përmbyllës.
Në tubimin elektoral të PD nuk do të mungojë as drejtuesi i fushatës, amerikani Chris LaCivita.
“Sonte, ora 19:00 tek Bulevardi i Ri bashkohu përmbylljes së një rrugëtimi historik, drejt misionit për “Shqipërinë Madhështore””, shkruan Sali Berisha./Radar.al
Tjetër rikthim me Keisin? Stresi ndez dyshimet: Kur 2 njerëz kanë qenë të dashuruar…
Mesazhi i Ambasadës së SHBA dy ditë para zgjedhjeve: Vota jote nuk ka çmim
“Truri” i grupit të trafikut të dr*gës/ SPAK kërkon 17 vite burg për Islam Sefën
U godit me th*kë në zemër për një vajzë, kush është 35-vjeçari që humbi jetën në Itali