Djali i Presidentit Donald Trump, Trump Jr., ka ripostuar në Twitter deklaratën e Richard Grenell, i dërguari i Presidentit Trump, që kundërshton akuzat se ai po lobonte për të organizuar një takim të djalit të Trump me Kryeministrin Edi Rama në Beograd.
Në reagimin e tij, Grenell e cilësoi lajmin një “gënjeshtër totale” dhe kërkoi që të korrigjohej menjëherë, duke theksuar se nuk kishte asnjë të vërtetë në ato që ishin thënë. Ai shpjegoi gjithashtu se e kuptonte emocionet e larta të Alfred Lelës, drejtor i zyrës së shtypit të PD, për shkak të afërsisë së zgjedhjeve, por theksoi se Shqipëria është një aleat i rëndësishëm i SHBA dhe se e viziton me kënaqësi.
Në vijim të këtij reagimi, Trump Jr. ka ripostuar deklaratën, duke mbështetur Grenell dhe duke theksuar se lajmi i publikuar ishte i pavërtetë, pas vizitës së tij të fundit në Beograd, ku u takua me Presidentin Vuçiç.