“Më shumë se kaq, nuk është e mundur të jepet dorëheqje. Më shumë se kaq do të ishte braktisje e institucionit, do të ishte vakum institucional, papërgjegjësi politike dhe rrezikim i sigurisë kombëtare”, u shpreh kryeministri Albin Kurti në mbledhjen e së mërkurës.
Në fjalën e tij, ditën e sotme Kurti ngriti akuza ndaj opozitës për bllokim të formimit të institucioneve
“Në thelb, ata që nuk pranuan që formalisht të marrin mandatin e deputetit, po kërkojnë nga unë që formalisht të mos jem kryeministër”, tha Kurti.
Vazhdimi i seancës konstituive të Kuvendit të Kosovës pritet që të nisë ditën e enjtë në orën 10:00 sipas rregullores.
Lidhja Demokratike e Kosovës ka njoftuar se do të jetë në Kuvend në atë kohë, ndërsa kërkon dorëheqjen e qeverisë e të vazhdohet me konstituim.
“Ftojmë kabinetin qeveritar, që pretendojnë se janë dorëhequr por ende, dhe paradoksalisht, mbajnë mbledhje qeveritare dhe marrin vendime, të dorëhiqen dhe këto dorëheqje t’i deponojnë te organet e Kuvendit të Kosovës“, ka shkruar kryetari i kësaj partie, Lumir Abdixhiku. Dorëheqjen e qeverisë aktuale e ka kërkuar edhe Memli Krasniqi, kryetar i Partisë Demokratike të Kosovës.
“Të japin dorëheqje zyrtare nga pozitat qeveritare. Të vijnë menjëherë në seancë që ta konstituojmë Kuvendin. Pastaj vazhdojmë me fazat e tjera kushtetuese për themelimin e Qeverisë“, shrkoi Krasniqi.
Në seancënkonstituive të Kuvendit të Kosovës pritet që të sqarohen paqartësitë e krijuara më 15 prill, nga presidentja, që tashmë ka pranuar letrën nga kryesuesi i seancës, që është në shqyrtim.