TIRANË– Bashkëshortja e kryebashkiakut të Tiranës, Erion Veliaj, Ajola Xoxa u largua nga Apeli i Posaçëm, pasi u paraqit mëngjesin e sotëm.
Seanca e shqyrtimit të ankimit të saj kundër sekuestrimit të dy llogarive bankare u shty për të mërkurën. Gjykata ka marrë kohë për t’u njohur me disa prova të reja të paraqitura nga SPAK. Xoxa ka thënë se fondet janë të ligjshme dhe se të ardhurat gjithashtu kanë burime të ligjshme. Ajola Xoxa është lënë nën masën “detyrim paraqitje”, ndërkohë që bashkëshorti i saj, Erion Veliaj, ndodhet në masën “arrest me burg”. Ajo ka bërë rekurs në Gjykatën e Lartë për vendimin e Apelit të GJKKO-së që ka miratuar kontrollet në bizneset e saj dhe sekuestrimin e celularit.
Gjithashtu Xoxa ka kundërshtuar vendimin për kontrollin në apartamentin e përshtatur si magazinë në Sky Tower, i cili u realizua më 3 shkurt./Radar.al