ATHINË– Numri një i qeverisë Shqiptare, Edi Rama ka marrë pjesë në panairin e punës, si një ftese për të gjithë emigrantët që të kthehen në Atdhe.
Kryeministri ka ndaluar për të bashkëbiseduar me të gjitha kompanitë të cilat ofrojnë punë në vendin tonë, ndërsa deklaroi se tashmë kanë bindjen se Shqipëria i ka pagat më të mira sesa në Greqi.
Gjithashtu Kryeministri Edi Rama u ka bërë apel të gjithë emigrantët që të kthehen në Shqipëri, sepse sipas tij edhe taksat janë më të ulëta.
Nga Athina Rama propozoi që të zhvillohen dy panaire në vit, ndërsa deklaroi se shumë shpejt do të bëhet edhe panairi i punës në Itali.
“Ideja është që të kemi një panair të pranverës, një panair të vjeshtës në Greqi dhe pastaj në Itali. Tani që ne kemi bindjen se me pagat jemi më mirë se këtu, jemi këtu. Besoj se për 1.5-2 vite do jemi si Italia.”-deklaroi Rama./Radar.al
“Ç’na duhen Filipinet?”/ Rama në Athinë: Po s’i pate pagat më të mira…
Rama në Panairin e punës në Athinë, pritet me flamujt kuqezi