TIRANË– Aktori i njohur i humorit, njëherësh dhe finalist i BBV3, Jul Deda i cili tashmë prezanton sëbashku me Xhemi Shehun “Fiks-Fare” përgjatë këtij sezoni ka komentuar shpesh lojën e BBV këtë vit.
Mëngjesin e kësaj të mërkure, një ditë pas PRIME-t ku rihynë 3 nga banorët e përjashtuar, Juli ka qenë i ftuar në “Wake-up” për të folur për Big Brother VIP.
Pyetje-Si e sheh trekëndëshin Egli-Gjesti-Rizarta, nisur dhe nga debati mbrëmjen e kaluar?
Jul Deda: Egli është njeriu më i amulluar aty. U tha dje që ka rënë dakord për lojën që kanë bërë me Gjestin. Ata nuk i kanë hyrë në krevat njëri-tjetrit në aspektin intim, vetëm kanë fjetur bashkë. Donin të ndërtonin një trekëndësh të paqenë për t’i shërbyer atyre. Ajo që nuk kuptoj është se pse u bë kjo lojë për t’i nxjerrë fytyrën Rizartës? Nëse Egli e sheh si kërcënim Rizartën që ka 4 ditë brenda, atëherë duhet të dalë vetë nga shtëpia.
Eglin e shoh të paqëndrueshme dhe më vjen shumë keq. Është e artikuluar, por dashuria t’i verbon sytë. Në BBV është dhe provokim, është dhe lojë. Nëse është e dashuruar, nuk duhet të ishte kaq shumë e dhënë. Duhet të ruajë dinjitetin e vet. Njeriu dashuron brenda ‘enës’ së vet.
Pyetje-Cilët banorë mendon se do të jenë finalistë?
Jul Deda: Rozana, Gjesti, G-Bani, Laerti, Gerta./