Debat dhe diskutime ka prodhuar formula e Primareve e prezantuar në mbledhjen me dyer të mbyllura në Këshillin Kombëtar të PD.
Sekretari i Përgjithshëm Flamur Noka prezantoi formulën e Primareve ku tha se kandidatët për deputetë nuk do të dalin vetëm nga primaret. Por Bujar Leskaj dhe Mysltm Murrizi kanë dalë kundër.
PD merr vendimin/ Zbardhet data e Primareve. Çdo qark me rregulloren e tij!
Pjesë nga debati:
Myslym Murrizi: Jam dakord me statutin për primaret, por duhet të jenë të hapura. Përderisa drejtuesit e degëve japin dorëheqjen, pse ndryshe do të duhet të ndodh për drejtuesit politik? Askush s’mund të na ndajë, në disa politikanë inferior e disa superior. Bëjini kombëtare primaret, është vrastare kjo formule. Aq më tepër më një votë. Mos keni frikë nga lobimi i brendshëm.
Unë do hyj në primaret e Tiranës dhe dua të jem në lista te hapura. Duhet te shihni dhe koalicionet. Ku është sot Shpëtim Idrizi? Duhet të ketë kujdes përzgjedhja e aleateve.
Bujar Leskaj (Drejtuesi politik i Vlorës): Duhet të votohen edhe drejtuesit politik. Ose t’i kalojnë votimit në qark. Kryetarët e degëve nuk duhet të jepnin dorëheqje pasi ata janë zgjedhur me votë.
Nuk jam dakord me datën 1 Mars për mbajtjen e primareve. Kjo pasi këtë kohë deri në 4 Mars jemi të angazhuar me votën e Diasporës.