Detaje të reja kanë dalë në pah nga seanca me dyer të mbyllura për vleresimin e masës se sigurisë ndaj kryebashkiakut të Tiranës, Erion Veliaj.
Burimet bëjnë me dije se Veliaj i është drejtuar prokurorit Olsi Dados duke i thënë se është në konflikt interesi, pasi ky i fundit i kërkoi leje ndërtimi.
“Ti je në konflikt interesi, e ke personale me mua. Më je paraqitur dhe ke perfituar leje ndërtimi, ke marrë leje ndërtimi nga ana ime. Pasi ke mbetur i pakënaqur më ke thënë “do ta mbash mend”. Ke dy rrugë, ose të largohesh nga kjo çështje, ose të rreshtohesh me ndërtuesit e tjerë këtu”.
Më tej zbulohet se në momentin që Veliaj ka mbajtur fjalën gjyqtari Erjon Bani i ka tërhequr vëmendjen kryebashkiakut për tonin e zërit dhe ruajtjen e solemnitetit para gjykatës.
LEXO EDHE:
PS-ja s’është zyrë avokatie e Erjonit”/ Rama: SPAK s’ka urgjencë për 21 Janarin, por për Veliajn…


