Edi Rama: Të tregojnë ka prova apo s’ka prova. Se të thuash blerje online 800 mijë euro për bizhu e fustan ndërkohë që kryetari i Bashkisë nuk vesh fustane e nuk përdor bizhu e për këtë të marrësh një njeri të zjgedhur që ka një kontratë me qytetarët e ta mbyllësh në një dhomë paraburgimi duhet minimalisht të tregosh provat, fustanet e bizhutë.
E nuk kemi më ne as çfarë diskutojmë as ça vëmë në dyshim. Provat, është shumë e thjeshtë. Ndaj i kërkoj mediave të bëjnë mundësisht hulumtimin për provat, në atë roman 400 faqesh nuk ka prova, ka vetëm një tregim shumë të ngarkuar e ndërlikuar me gjithëçfarëlloj personazhesh, po ska prova.
Dhe një element të thjeshtë që unë e di.
Aty thuhet që Erion Veliaj ka bërë zv.ministre gruan e një biznesmeni pasi ky e ka marrë me avion diku.
Nuk di a ka pasur një udhëtim më parë, por që të arrish në këtë konkluzion që zv ministrja është vendosur si rezultat i atij udhëtimi, mund ta bësh në dy rrugë, ose me shkollën e sigurimit të shtetit, cfarë bëje ti në veturën e ambasadës jugosllave, e dini historinë, ose ta kesh të provuar bisedën.
Ndërkohë që zv ministrja e Punës është vendosur aty me kërkesë të ish kryetarit të Kuvendit, mua personalisht, kur ishim në koalicion. Më ka kërkuar që të flas me Erionin dhe të vendoset kjo grua që unë nuk e njihja nga shoqëria Civile se është pranë nesh e pavarur, e thjesht normal sic bëhen bisedat dhe koalicionet. Tani si mund ta shkruash ti në një aktakuzë penale këtë? E të tilla ka plot.