Një bisedë e zhvilluar mes Rozanës dhe Gjestit ka bërë xhiron e rrjetit.
Teksa bëri bujë afrimiteti i tij me Eglin, artistja vendosi që ta pyeste se si do të ishte marrëdhënia e tyre jashtë.
Në lidhje me këtë Gjesti është shprehur se për shkak të angazhimeve të shumta që ai ka në lidhje me karrierën e tij, Egli më shumë do të jetë e vetme në shtëpi. Madje më tej ai shtoi se vetëm gjumi do i bashkonte.
Gjesti: Unë kam qejf të jem i lirë edhe nëse jam në një lidhje. Nuk kam qejf të më pengojnë.
Rozana: Je i pranishëm kur je një lidhje, ia plotëson dëshirat asaj?
Gjesti: Ndodh që edhe nuk shihemi një javë sepse ashtu e kam jetën. Nuk ma kupton asnjë femër, e kam një fokus.
Rozana: Nuk ke gjetur balancë mes punës dhe jetës?
Gjesti: Unë e kam një producent dhe jemi shumë të lidhur. Rri me ata edhe për qejf por kam edhe jetën time. Vetëm gjumi më bie të bëj në shtëpi. Jam gjithë kohës në lëvizje. Unë frikësohem që mos më ikin ato që më ka falur Zoti.
Rozana: Nëse Egli vjen në Prishtinë te ty, a do të bashkëjetoni bashkë?
Gjesti: I bie që Egli të rri shumë vetëm sepse vetëm për gjumë do shkoj në shtëpi. Një ditë mund të ndodhë që të rri me atë. Fokusi që kam është puna.
Rozana: Sa kohë ke pa një lidhje të qëndrueshme?
Gjesti: 7 muaj kam që jam shkëputur. Kam qenë 5 vjet me të. Kështu kam qenë edhe me atë. Femër më të fuqishme nuk kam parë ndonjëherë, më ka duruar shumë. Nuk besoj se do më durojë njeri si ajo, nuk ka shanse.