Pas tragjedisë së rëndë të ndodhur në fundjavë në diskotekën “Puls” në Koçan, ku humbën jetën 59 persona, mësohet se qytetarët kanë protestuar përpara vendngjarjes.
Protesta u shoqërua me tensione të shumta.
Burimet vendase bëjnë me dije se disa prej pjesëmarrësve shkatërruan xhamat e lokalit të pronarit të diskotekës ku ndodhi tragjedia.
Nga ana tjetër raporohet se disa prej qytetarëve kanë vendosur lule dhe ndezën qirinj në kujtim të viktimave, ndërsa kërkuan llogari dhe drejtësi për ngjarjen tragjike.
Disa mbanin pankarta që shkruanin “Ne nuk vdesim nga aksidentet – ne vdesim nga korrupsioni” dhe “Gjithçka është e ligjshme këtu nëse keni lidhje.”
Protestuesit njoftuan se tubime të ngjashme do të mbahen çdo ditë deri më 21 mars.
Në këtë tubim është vënë re se ka marrë pjesë edhe ministrja e Arsimit e Maqedonisë së Veriut, Vesna Janevska.