Një ngjarje tronditëse ka ndodhur në veri të Italisë, ku policia gjeti trupin e copëtuar të 35-vjeçarit Alessandro Venier në një kosh të madh me gëlqere, në magazinën e shtëpisë së tij në Udine.
Autoritetet arrestuan partneren 30-vjeçare të viktimës, me origjinë nga Kolumbia, dhe nënën e tij, e cila ishte e njohur si infermiere në komunitetin lokal. Të dyja gratë kanë rrëfyer përfshirjen në krim, ndërsa motivi ende mbetet i paqartë.
Trupi ishte vendosur në kosh dhe i mbuluar me gëlqere për të fshehur erën dhe për të vonuar dekompozimin. Ngjarja dyshohet se ndodhi pas një grindjeje për motive banale. Çifti kishte një vajzë gjashtëmuajshe, e cila tashmë ndodhet nën kujdesin e shërbimeve sociale.https://radar.al/wp-admin/media-upload.php?post_id=179250&type=image&TB_iframe=1
“Një ngjarje tragjike dhe e paimagjinueshme për komunitetin tonë,” u shpreh kryebashkiaku i Gemonës, Roberto Reveland. Fqinjët deklaruan të tronditur, duke përshkruar nënën e viktimës si një grua të dashur dhe të respektuar në zonë.