Karabinierët italianë kanë sekuestruar 200 kilogramë kokainë në një apartament në Tor Vergata, Romë, gjatë një operacioni antidrogë, duke arrestuar Kristianin, 22-vjeçar me origjinë shqiptare. Droga, e ndarë në 191 pako, kap vlerën e 16 milionë eurove.
Gjatë kontrollit u gjetën gjithashtu 30,000 euro cash dhe një armë zjarri e vjedhur. Banesa shërbente si qendër shpërndarjeje, e pajisur me elemente logjistike për ruajtjen dhe transportin e drogës, përfshirë një sistem të fshehtë në makinën e të riut.
Para gjykatës, Kristiani pranoi pjesërisht fajësinë, duke shpjeguar se ishte përfshirë në këtë aktivitet për shkak të gjendjes së rëndë ekonomike të familjes së tij. Ai nuk zbuloi informacione mbi rrjetin kriminal dhe mohoi përdorimin e armës. Gjyqtari caktoi arrest me burg, ndërsa avokatja e tij po kërkon një masë më të butë.