Erzen Uka, i cili dy ditë më parë u bë protagonist i një aksioni dramatik 12-orësh në fshatin Orosh të Pukës, rezulton të ketë një të shkuar kriminale të lidhur me ekstremizmin e dhunshëm.
Sipas një vendimi të Gjykatës së Rrethit Gjyqësor Tiranë datë 30 qershor 2018, Uka u shpall fajtor për veprat penale “nxitje, thirrje publike dhe propaganda për kryerjen e veprave me qëllime terroriste” dhe “mbajtje pa leje dhe prodhim i armëve, armëve shpërthyese dhe i municionit”. Për këto vepra, ai u dënua fillimisht me katër vite e gjashtë muaj burgim, por përmes gjykimit të shkurtuar dënimi përfundimtar u ul në tre vite.
Erzen Uka kishte qenë i arrestuar më 12 qershor 2019, pasi u evidentua si një element me prirje radikale ekstremiste dhe si mbështetës i organizatave terroriste ISIS. Ai shpesh publikonte në rrjetet sociale foto dhe video me simbole ekstremiste, duke shfaqur admirimin për krerët e këtyre organizatave dhe demonstrime të teknikave të luftimit dhe stërvitjeve ushtarake.
Gjithashtu, hetimet kanë dokumentuar që Uka merrte mësime fetare radikale nga xhamia e Unazës së Re, duke e kthyer aktivitetin e tij në një rrezik të vërtetë për sigurinë publike.