Rrugët e Barcelonës dhe Serxhi Robertos janë ndarë pas 15 vitesh në radhët e klubit katalanas, nga akademia e të cilit ka dalë mesfushori.
Futbollisti, i cili mbante shiritin e kapitenit në klubin katalanas, ka vendosur të largohet pasi nuk bën pjesë në planet e Hansi Flik. Palët kanë gjetur akordin dhe sot është nënshkruar marrëveshja për prishjen e kontratës mes palëve.
Futbollisti 32-vjeçar tashmë është një lojtar i lirë dhe mund të zgjedhë vetë të ardhmen e tij, me ofertat që nuk i mungojnë. Sevilja, Ajaksi dhe Fiorentina janë klubet në kampionatet elitare që kërkojnë shërbimet e tij, ndërsa nuk mungojnë oferta edhe nga vende si Arabia Saudite apo SHBA.