Vetëm pak minuta më parë, Ministri i Mbrojtjes, Niko Peleshi me anë të një postimi në Facebook ka njoftuar mbi situatën e zjarreve në vend.
Mesohet se në 24 orët e fundit janë raportuar 23 vatra zjarri, nga të cilat 21 janë shuar dhe vetëm dy mbetet aktive.
Ndërkohë vatrat aktive janë në vendin e quajtur Agjionerim në bashkinë e Delvinës, ku po punohet për izolimin e plotë të zjarrit dhe një tjetër në bashkinë e Dropollit, ku situata është e qetë.
Postimi plotë i Peleshit:
Në 24 orët e fundit janë raportuar 23 vatra zjarri, nga të cilat 21 janë shuar falë punës së pandërprerë të forcave të emergjencave civile. Aktualisht, mbeten aktive vetëm dy vatra: një në vendin e quajtur Agjioneri, në bashkinë Delvinë, ku po punohet intensivisht për izolimin e plotë të zjarrit, dhe një tjetër në bashkinë Dropull, ku situata është më e qetë, por puna vijon për të shmangur çdo rrezik përhapjeje.
Falënderojmë për angazhimin maksimal 464 efektivë zjarrfikës, dhjetëra efektivë të Forcave të Armatosura, forcat bashkiake, forcat policore, punonjësit e Administratës së Zonave të Mbrojtura dhe të shërbimit pyjor, si dhe forcat vullnetare, të cilët me mjete, ndihmuar edhe nga helikopteri #Cougar dhe 2 #Canadair të ofruara nga Greqia punuan me përkushtim për të shuar flakët në temperatura të papërshtatshme.