Për shkak të zjarreve që po përhapen në rajonin e Patras, autoritetet greke vendosën evakuimin e Spitalit të Fëmijëve “Karamandanio” dhe të azilit të pleqve “Konstantopoulio”.
Ministri grek i Shëndetësisë, Adonis Georgiadis, njoftoi se masa është parandaluese dhe nuk ka rrezik të menjëhershëm për pacientët dhe banorët. “Kam vendosur të evakuoj spitalin duke ndjekur udhëzimet e Mbrojtjes Civile. Tetë pacientë do të transportohen me ambulanca, ndërsa katër të tjerë, të cilët mund të ecin vetë, do të vendosen përkohësisht në Spitalin Universitar në Rio. Operacioni do të kryhet në mënyrë të sigurt dhe të rregullt”, tha ai.
Banorët e azilit të pleqve po transferoheshin në një qendër stërvitore të ushtrisë pranë qytetit, e cila është përgatitur si vend i sigurt për qytetarët.