Një zjarr ka rënë këtë të diel në katin e katërt të një pallati në lagjen nr. 7, e njohur si Çezma e Ferrës në qytetin e Durrësit.
Nga informacionet e para, raportohet se gjashtë persona kanë pësuar asfiksi nga tymi dhe janë dërguar me urgjencë në spital për trajtim mjekësor.
Në vendngjarje kanë mbërritur forca të shumta të policisë dhe shërbimit zjarrfikës, të cilët po punojnë për të shuar zjarrin dhe për të evakuuar banorët e pallatit.
Ende nuk dihen shkaqet e zjarrit, ndërsa hetimet janë në vijim për të zbardhur rrethanat e ngjarjes.
Gjendja shëndetësore e personave të dërguar në spital nuk është bërë ende e ditur.