Një zjarr ka përfshirë një apartament në lagjen “18 Shtatori” në Gjirokastër. Fatmirësisht, nuk raportohet për të lënduar, teksa forcat zjarrfikëse po luftojnë për shuarjen e flakëve.
Për arsye sigurie, energjia elektrike në zonë është ndërprerë përkohësisht, ndërsa zjarrfikësit kanë ndërhyrë me shpejtësi për të vënë situatën nën kontroll. Hetimet për shkaqet e plota të incidentit vijojnë. Paraprakisht dyshohet se shkëndijat kanë ardhur nga kondicioneri.
Informacion paraprak
Në katin e tretë të një pallati në lagjen “18 shtatori”, dyshohet për shkak të një shkëndie elektrike ka rënë zjarr në banesën e shtetasit R.K.
Në vendngjarje kanë shkuar forcat e Policisë dhe po kryejnë evakuimin e banorëve të pallatit.
Shërbimet zjarrfikëses po punojnë për shuarjen e zjarrit.
Deri tani nuk ka asnjë shtetas të lënduar apo me probleme nga tymi.
Grupi hetimor po punon për zbardhjen e plotë të rrethanave dhe dokumentimin ligjor të rastit.