Një zjarr ka rënë në malin e Sopotit, në territorin e Bashkisë Delvinë, duke iu afruar kufirit administrativ me Bashkinë Gjirokastër.
Drejtoria e Mbrojtjes nga Zjarri dhe Shpëtimit në Gjirokastër ka vlerësuar situatën dhe ka ndërmarrë masa parandaluese për të izoluar flakët, me qëllim shmangien e rrezikut për zonat e banuara.
Në terren janë nisur grupi i ndërhyrjes së MZSH Gjirokastër, si dhe pesë punonjës zjarrfikës me kontratë të përkohshme. Autoritetet mbeten në gatishmëri dhe po monitorojnë nga afër ecurinë e situatës.
Radar.al