Një vatër zjarri u raportua në orët e para të ditës së diel, në hyrje të fshatit Palokastër, Gjirokastër. Incidenti ndodhi në një zonë të ndjeshme, ku flakët po përhapeshin me shpejtësi, duke paraqitur rrezik për zonën përreth.
Pas njoftimit të banorëve, Drejtoria e Mbrojtjes nga Zjarri dhe Shpëtimi në Gjirokastër dërgoi menjëherë ekipet e zjarrfikësve për të ndërhyrë dhe shuar flakët. Falë ndërhyrjes së shpejtë dhe të koordinuar, zjarri u vu nën kontroll pa shkaktuar dëme në njerëz apo pasuri.
Drejtoria e Mbrojtjes nga Zjarri dhe Shpëtimi falënderoi qytetarët për reagimin e shpejtë dhe bashkëpunimin, duke theksuar rëndësinë e kujdesit maksimal ndaj përdorimit të zjarrit në ambiente të hapura.
Gjithashtu ata i ftojnë të gjithë qytetarët të jenë të kujdesshëm, veçanërisht gjatë periudave të nxehta, dhe të raportojnë çdo situatë të dyshimtë.