Një zjarr i fuqishëm ka përfshirë ditën e sotme traversat e drurit të përdorura për linjën hekurudhore Fier–Vlorë, duke gjeneruar re të dendura tymi që kanë mbuluar Fierin dhe zonat përreth.
Djegia e traversave, të cilat përmbajnë vaj, ka prodhuar shtëllunga të mëdha tymi të zi që duken qartë edhe nga larg. Shkaqet e zjarrit nuk janë ende të qarta, por burime paraprake nuk përjashtojnë mundësinë e një zjarrvënieje të qëllimshme.
Në terren ndodhen dy mjete zjarrfikëse dhe ekipi i repartit të Fierit, të cilët po përpiqen të vënë nën kontroll flakët dhe të parandalojnë përhapjen e tyre përgjatë linjës hekurudhore.