Presidenti i Ukrainës, Volodymyr Zelensky, ka mbërritur mbrëmjen e sotme në Shqipëri për të marrë pjesë në Samitin e Komunitetit Politik Evropian, i cili do të mbahet në Tiranë.
Zelensky ka zbritur në aeroportin e Rinasit, ku është pritur nga ministri i Jashtëm Pirro Vengu, ministri i Ekonomisë, Kulturës dhe Inovacionit Blendi Gonxhja, si dhe ambasadori i Ukrainës në Tiranë, Volodymyr Shkurov.
Për shkak të reshjeve të dendura të shiut që kanë përfshirë kryeqytetin, pritja është zhvilluar nën çadër, duke dhënë një pamje të pazakontë për një vizitë të këtij niveli.
Vizita e Presidentit Zelensky vjen në një moment kyç për Europën dhe konfliktin në Ukrainë, me pritshmëri të larta për diskutime mbi sigurinë, solidaritetin rajonal dhe mbështetjen politike e ekonomike ndaj Kievit.