Detaje të reja kanë dalë në pah në lidhje me ngjarjen e rëndë të ndodhur së fundmi në Durrës, ku një 54-vjeçare humbi jetën gjatë një ndërhyrje kirurgjikale në një nga klinikat private të qytetit.
Burimet bëjnë me dije se ngjarja e rëndë ka ndodhur në klinikën private “Villa Alba”, ku kirurgu i përgjithshëm ka qenë Ilir Shani ai i cili ka operuar gruan me iniciale M.Xh.
Të njëjtat burime raportojnë se 54-vjeçarja po kryente një ndërhyrje për ngushtim stomaku, kur papritur gjatë operimit gjendja e saj shëndetësore u përkeqësua. E fatkeqësisht, për rrjedhojë ajo humbi jetën.
Në lidhje me ngjarjen e rëndë, policia e Durrës procedoi në gjendje të lirë mjekun Ilir Shani, i cili njëherazi rezulton dhe pronar i spitalit.
Sakaq, në faqen zyrtare të spitalit mjeku Ilir Shani thuhet se është me një eksperiencë më shumë se 30-vjeçare në këtë fushë.