Mesfushori i Kombëtares së Shqipërisë, Ylber Ramadani, shënoi golin vendimtar në fitoren 0-2 të Lecces ndaj Cagliarit në Serinë A.
Pas ndeshjes, Ramadani u ndal për mediat italiane:
“Goli ishte për tim bir që do të lindë së shpejti. Jam shumë i lumtur për golin, por mbi të gjitha për fitoren. Ishte shumë e rëndësishme për të arritur objektivin. Duhet të qëndrojmë me këmbë në tokë. Tani do të vijë Interi, por përballë tifozëve tanë mund të bëjmë gjithçka”.
Ky gol dhe fitorja e rëndësishme e dërgojnë Leccen në pozita më premtuese në kampionat, ndërsa Ramadani shfaqi emocione të veçanta personale dhe familjare.