Aktori, regjisori dhe dramaturgu i njohur shqiptar, Naun Shundi, do të niset sot drejt Shqipërisë për të marrë trajtim mjekësor në QSUT, pas diagnostikimit me kancer të lëkurës.
Ministria e Shëndetësisë dhe ajo e Kulturës kanë garantuar përmes një reagimi zyrtar trajtimin e aktorit në institucionet shëndetësore shqiptare.
Familjarët e Shundit kanë hapur një llogari në platformën “GoFundMe” për të mbledhur fondet e nevojshme për kurën e tij. Vajza e tij, Rea Shundim, bëri me dije se babai i saj po përballet me një sëmundje serioze dhe falënderoi të gjithë ata që kanë ofruar ndihmë financiare dhe morale.
“Sot nisemi për në Shqipëri, me mendimin dhe dëshirën e nisjes së kurës. Ka shumë të panjohura, pasi vetë sëmundja dhe situata janë të paparashikueshme. Ju falënderojmë për përkrahjen morale dhe financiare. Nëse gjërat shkojnë mirë në QSUT, jemi të qetë, nëse jo, sfida të tjera na presin,” shkruan vajza e tij në rrjetet sociale.
Naun Shundi është një figurë e njohur në teatër dhe kinematografi shqiptare, duke lënë gjurmë të rëndësishme me punën e tij artistike.