TIRANË– Qindra prindër dhe qytetarë janë mbledhur rreth orës 11:00 të kësaj të enjteje në një protestë tek shkolla 9-vjeçare “Fan Noli”, institucioni arsimor ku dhe gjeti vdekjen 14-vjeçari Martin Cani të hënën e 18 Nëntorit.
Marshimi ka nisur nga vendi i ngjarjes tragjike ndërsa qytetarët do t’i drejtohen më pas Ministrisë së Arsimit, në rrugën e Durrësit, duke protestuar me pankartat “Institucionet e papërgjeshme VRASIN”.
Me pankarta në duar “Martin Cani një fëmijë më pak, një dështim më shumë”, “Pse bën sikur jeton në një vend normal”, “Heshtja jonë po na vret fëmijët. Sa viktima duhen që ne të ngremë zërin? Martin, të kemi vrarë të gjithë nga pak”, prindërit kërkojnë drejtësi për të miturin dhe siguri nga autoritetet në shkolla dhe në vend./Radar.al
