Sipas Shërbimit Meteorologjik Ushtarak, dita e sotme do të karakterizohet nga kushte të paqëndrueshme atmosferike. Parashikohen vranësira të shpeshta, të cilat do të alternohen me periudha të shkurtëra me kthjellime, kryesisht përgjatë ultësirës perëndimore.
Reshjet e shiut do të jenë të herëpashershme dhe me intensitet të ulët, ndërsa në zonat kodrinore e malore mund të shoqërohen me shtrëngata afatshkurtra, që do të nisin që në orët e para të ditës.
Era do të fryjë nga verilindja dhe veriperëndimi, me shpejtësi mesatare deri në 8 m/s, ndërsa përgjatë bregdetit dhe zonave luginore mund të arrijë deri në 17 m/s. Si pasojë, në det parashikohet valëzim i moderuar, me forcë 2 deri në 4 ballë.