KAÇANIK– Ditën e djeshme në Kaçanik, janë arrestuar gjashtë persona që dyshohen se kanë planifikuar dhe kryer vrasjen e rreshterit të policisë, Muhamed Lika.
Bazuar në të dhënat e Prokurorisë, më 1 Prill 2025, rreth orës 23:00, në rrugën “Idriz Seferi” në Kaçanik, të dyshuarit kishin ndjekur rreshterin Muhamed Lika pas përfundimit të orarit të tij të punës.
Ai po kthehej në banesë kur, në hyrjen e ndërtesës ku jetonte, një i mitur nga grupi i dyshuar e kishte qëlluar me armë zjarri. Në vendin e ngjarjes janë gjetur katër gëzhoja plumbash. Si pasojë e plagëve, polici ka humbur jetën.
Prokuroria thotë se të dyshuarit kanë bashkëpunuar dhe vepruar me qëllim për ta vrarë policin, dhe për këtë po hetohen për veprën penale “vrasje e rëndë”. Që nga data 22 prill 2025, të dyshuarit ndodhen në ndalim prej 48 orësh, ndërsa pritet vendimi i gjykatës për paraburgimin e tyre./Radar.al
“Rama po rrokulliset”/ Berisha: I aftë të bëjë çdo gjë por është i pashpresë
I ati e solli në Tiranë dhe e vr*u, trupi i Rayyan Alwan tërhiqet nga të afërmit